PROFILE
ALZIRA FERNANDES JERONIMO
- Naran kompletu : Alzira Fernandes Jeronimo
- Naran Bolu :Azy
- Data-Moris :01-08-1969
- Idade : 55 anos
- Munisipiu :Baucau
- Hela-Fatin :Kampung-Baru
- Hobbi : Joga-bola
- Relijiaun :Katoliku
- Nasionalidade :Timorense
- Estadu :Kaben nain
Profile kona-ba Sr.Alzira ho naran kodigu (Buitile)
Introdusaun oituan Kona (Buitile).
Buitile Feto Timor lorosa'e ne'ebe ho
Idade ki'ik hatene servisu hamutuk ho povu no Rai doben Timor-loro-sa'e maske hasoru anin,udan,Moris susar,hahan la iha, iha presegisaun Nia laran no hasoru dezafio oioin iha Moris lorloron nian maibe la halakon vontade hodi kaer Liman metin tun foho sa'e foho buka hahan buka bee Liu kilometru Ruanulu tolunulu resin nafatin ho laran Manas ba Moris ne'ebe Sei Mai.
Iha Tinan (1978) Tun hodi foho Matebian Javanese no Timoroan balun simu Ita maibe iha intensaun aat, mane klosan no feto-ran Sira, Sira haketak tiha hosi ferik katuas no labarik Sira,balun oho balun Sira estraga no halakon ema nia virgem.
Bainhira to'o iha vila dadeer no lokoraik tenke aprezenta an no Javanese Sira halo inkeritu ba ita nia aman inan Sira. Tempu Ida ne'e Moris susar hahan no bee-moos susar atu hetan tan ne'e deside ba buka ema rai-na'in sira nia toos no natar atu bele hetan ai-han ruma.
Tempu hanesan halo vinje ba toos iha ai-laran fuuk onjetivu atu kontinua kontaktu ho Falentil Sira iha ai-laran no koalia ba malu moris susar ne'ebe ita infrenta iha vila-laran.
Bainhira Javanese sira deskobre katak Ita iha kontaktu ho Falentil sira, Javanese sira bandu atu labele sai husi hela-fatin maibe bo'ot Sira utiliza fali ki'ik oan Sira Mak halo inkontru ho Falentil sira sa mak tenki halo ba Rai no povu Ida ne'e.
Iha Tinan (1980-1982) Presegisaun boot iha Quelicai katak familia Falentil Sira tenke kastigu iha Natar laran dadeer no lokoraik ba hoku tahu hanesan karau no balada sira seluk Ida ne'e mak Militar Indonesia ho Timoroan balun trata familia Falentil nu'udar balada ida iha sira-nia matan iha ema lubuk nia laran.
Iha Tinan (1982) Sai husi Quelicai ba hela iha Baucau para bele eskola,nafatin infrenta problema oioin Tamba Militar Indonezia no Timoroan balun kaptura ami-nia manori sira ba kastigu, balun sira oho no balun sira lori lakon to'o agora rate mos la hetan.
Laran ta'uk no brani kahur malu bainhira ha'u hateke fali ba pasadu bainhira Sei iha foho.Ha'u ho ha'u-nia prima sira kontinua trasa palnu subsubar oinsa bele kontaktu ba Falentil sira nune'e sesta sabadu ba foho para iha dalan bele hasoru Falentil Sira hodi ko'alia no fahe Kona-ba akontesimentu sira iha vila.
Iha Tinan (1991) Trasa planu ho klandestina maske tempu ne'eba seidauk hatene saida mak klandestina maibe uza nu'udar planu subsubar ne'ebe ema Ida la deskobre to'o remata SMA/ eskola secundariu. Tempu Ida ne'e ligasaun entre ha'u ho ha'u-nia prima kontinua La'o maske ha'u Hela iha kolegio sempre husu informasaun fo Idea no kolabora hamutuk.
Iha Tinan naruk nia laran kauza klandestina La'o nafatin, buka mekanizmu atu inkontru ho Falentil sira iha Timor laran tomak.
Iha Tinan (1998)Ida ne'e mosu ona momentu
difisil tebtebes maibe nafatin trasa palnu atu hasoru malu ho Falentil sira maske Hela iha kolegio to'o mai iha tinan (1999) votasaun ba Ulun rasik-an. Tempu Ida sai nu'udar manorin iha eskola/kolegio Venilale no laga to'o tinan (2002).
Iha Tinan (2003) hahu hanorin iha eskola Sao pedro tempu hanesan sai office administration/administrasaun eskola nian no hanorin materia Ingles no Tetun to'o momentu Ida ne'e.
Ida ne'e mak istoria badak husi Sr. Alzira Fernandes Jeronimo (Buitile) husi istoria Ida ne'e Ita bele hatene katak iha tempu uluk ema hotu hotu esforso an atu luta hasoru invazaun sira Tan deit hakarak Rai Doben Timor-Leste Ida ne Ukun rasik -an.